Ел болашағы

«№ 166 лицей» КММ-сінде «Ел жастары» бағдарламасының аясында 11-сынып оқушыларымен «Ел болашағы» атты сабақтан тыс іс-шара болып өтті. Шара барысында Гүлмира Қасымханқызы Қазақстанда жастар мәселесіне көп көңіл бөлінеді, өйткені жастар елдің болашағы екенін айтып өтті.
Шара барысында оқушылар топ-топқа бөлініп «Ел болашағы - жастар» деген тақырыпта постер қорғады. Бір топ Ғани Мұратбаевтың «Жастардың бүгінгі міндеті – оқу, білім, тәрбие жұмыстары. Жастар бүгін сөзден іске көшетін заман. Білімсіз істің реті болмайды» деген қанатты сөзін басшылыққа алса, екінші топ Мұхтар Әуезовтің «Халық пен халықты, адам мен адамды теңестіретін – білім» деген қағида сөзін басшылыққа алды.
Шара соңында оқушылар «Тек білімді жастар ғана Қазақстанның болашақ келбетін айқындайды және білімді әрі бастамашыл жастар ғана мемлекетті басқа елдерге таныта алады» деген қоррытындыға келді.