«Дана Абай» атты кітап көрмесі

«№166 лицей» КММ-сінде ұлы Абай Құнанбаевтың 180 жылдығына орай «Дана Абай» атты кітап көрмесі ұйымдастырылды. Көрмеге ұлы ақынның шығармалар жинағы, ойшылдың өмірі мен еңбектері жайлы жазылған кітаптар мен мақалалар қойылды. Сонымен қатар, көрмеде ақынның қара сөздері, өлеңдері мен аудармаларының түрлі басылымдары, фотосуреттері және Абай мұрасын зерттеген ғалымдардың еңбектері ұсынылды.
Көрменің мақсаты – өскелең ұрпаққа Абайдың тағылымды ойларын насихаттау, жастарды адамгершілікке, білімге, еңбекқорлыққа тәрбиелеу. Оқушылар көрмемен танысып қана қоймай, ұлы ақынның шығармашылығынан үзінділер оқып, өз ойларымен бөлісті.